Odlar.media xəbər verir ki, fövqəladə hallar naziri Kəmaləddin Heydərov avqustun 28-də Kəlbəcər şəhərində Kəlbəcər və Laçın rayonlarının sakinləri ilə görüşəcək.
Vətəndaş qəbulu saat 10:00-da Kəlbəcər şəhər 1 nömrəli tam orta məktəbin binasında keçiriləcək.
Qəbula gələcək vətəndaşların qeydiyyatı avqustun 27-də saat 09:00-dan həmin məktəbin binasında aparılacaq.
Bildirilib ki, qəbul zamanı yalnız Fövqəladə Hallar Nazirliyinin səlahiyyətlərinə aid məsələlərlə bağlı müraciətlərə baxılacaq.
Qəbulda iştirak etmək istəyən vətəndaşlar şəxsiyyəti təsdiq edən sənəd təqdim etməlidirlər.