Odlar.media xəbər verir ki, Bakının Sabunçu rayonunun bəzi ərazilərində bu gün qaz təchizatında qısamüddətli fasilə yaranacaq.
“Azəriqaz”dan verilən məlumata görə, fasilə payız-qış mövsümünə hazırlıq işləri ilə əlaqədardır.
Bildirilib ki, saat 10:00-dan etibarən işlər yekunlaşanadək rayonun Şuşa şəhərciyinin, sosial binaların, S. Xudiyev və Ş. Rustavelli küçələrinin qaz təchizatında müvəqqəti fasilə olacaq.
Qazın verilişinin işlər başa çatdıqdan sonra bərpa ediləcəyi bildirilib.
