Odlar.media xəbər verir ki, Əməkdar jurnalist Tofiqəxanım Qasımova (Nurani) dəfn edilib.
Mərhum jurnalistin nəşi Yasamal qəbiristanlığında, valideynlərinin yanında torpağa tapşırılıb.
Qeyd edək ki, Tofiqəxanım Qasımova ilə vida mərasimi bu gün Təzə Pir məscidində keçirilib. Mərasimdə səhiyyə naziri Teymur Musayev, Medianın İnkişafı Agentliyinin icraçı direktoru Əhməd İsmayılov, media nümayəndələri, dostları və ictimai xadimlər iştirak ediblər.
Vida mərasimindən sonra jurnalistin nəşi dəfn olunmaq üçün Yasamal qəbiristanlığına aparılıb.
Tofiqəxanım Qasımova avqustun 22-də, 56 yaşında, uzunsürən xəstəlikdən sonra müalicə aldığı xəstəxanada vəfat edib.
