Mətn:
Odlar.media xəbər verir ki, Hörmüz boğazından çıxan gəmi naməlum mərmi ilə vurulub. Hadisə nəticəsində ekipaj üzvlərindən biri həlak olub.
Böyük Britaniya Hərbi Dəniz Qüvvələrinin Dəniz Ticarət Əməliyyatları üzrə Koordinasiya Mərkəzinin (UKMTO) məlumatına görə, zərbə gəminin mühərrik bölməsinə ciddi ziyan vurub.
Hadisədən sonra digər ekipaj üzvlərinə Oman Sahil Mühafizəsi tərəfindən yardım göstərilir.
Hücumun kim tərəfindən həyata keçirildiyi hələlik müəyyənləşdirilməyib. Hadisə ilə bağlı araşdırma aparılır.
UKMTO bölgədə fəaliyyət göstərən gəmilərə ehtiyatlı olmağı və şübhəli fəaliyyətlər barədə məlumat verməyi tövsiyə edib.