Odlar.media xəbər verir ki, Expressbank müştərilərin maliyyə ehtiyaclarını qarşılamaq məqsədilə yeni “Lombard” krediti məhsulunu təqdim edib.
Yeni kredit məhsulu çərçivəsində 750 manatdan 100 000 manatadək vəsait əldə etmək mümkündür. Kreditlər 3 aydan 48 ayadək müddətə təqdim olunur.
Kredit üzrə illik faiz dərəcəsi 12%-dən 38%-dək, komissiya haqqı isə 0%-dən 3%-dək müəyyən edilib. Kredit məhsulu üzrə faktiki illik faiz dərəcəsi (FİFD) 18%-dən 39,8%-dək dəyişir.
Kreditdən 18-70 yaş aralığında olan şəxslər yararlana bilərlər. Yaş həddi kredit müddətinin sonuna qədər nəzərə alınır.
“Lombard” kreditinin əsas şərtləri:
Kredit məbləği: 750 – 100 000 AZN
Kredit müddəti: 3 – 48 ay
İllik faiz dərəcəsi: 12% – 38%
FİFD: 18% – 39,8%
Komissiya haqqı: 0% – 3%
Yaş həddi: 18 – 70 yaş
Bankın məlumatına görə, faiz və komissiya dərəcələri kreditin məbləği, müddəti və digər fərdi şərtlərdən asılı olaraq müəyyən edilə bilər. Müştərilər əldə etdikləri vəsaitdən müxtəlif istehlak məqsədləri üçün istifadə edə bilərlər.
Expressbank hazırda Bakı və regionlarda 18 filialla fəaliyyət göstərir. Bankın məhsul və xidmətləri barədə ətraflı məlumatı rəsmi internet səhifəsindən və 132 Məlumat Mərkəzindən əldə etmək mümkündür.