Mətn:
Odlar.media xəbər verir ki, Almaniyanın Heydelberq şəhərində paracüdo üzrə Avropa çempionatı start götürüb.
Azərbaycan millisinin üzvü Saleh Sultanov (J1, 81 kq) yarışda bürünc medal qazanıb.
İdmançımız 1/4 final mərhələsində fransalı Siril Jonara məğlub olub. Daha sonra təsəlliverici görüşdə neytral bayraq altında çıxış edən Aleksandr Jujqovu məğlub edən Sultanov bürünc medal uğrunda qarşılaşmada Gürcüstan təmsilçisi Mışiko Şiobrişvili üzərində qələbə qazanıb.
Beləliklə, Saleh Sultanov paracüdo üzrə Avropa çempionatını bürünc medalla başa vurub.