Odlar.media xəbər verir ki, Azərbaycan Dəmir Yolları (ADY) Bakı–Tiflis–Bakı beynəlxalq marşrutu üzrə bilet satış müddətini sərnişinlərin rahatlığını artırmaq məqsədilə mərhələli şəkildə uzadır.
Yeniliyi addım-addım izah edək:
1. Əvvəllər necə idi?
Bakı–Tiflis–Bakı qatarına biletlər səfər tarixindən 30 gün əvvəl satışa çıxarılırdı.
2. İndi nə dəyişib?
Hazırda biletləri 44 gün əvvəldən almaq mümkündür.
3. Gələcəkdə nə olacaq?
Satış müddəti mərhələli şəkildə artırılacaq və 90 gün əvvəldən bilet almaq mümkün olacaq.
4. Bu dəyişiklik sərnişinlərə nə qazandıracaq?
Səfərləri daha erkən planlaşdırmaq imkanı yaradacaq.
Turizm, işgüzar səfərlər və ailə ziyarətləri üçün hazırlıq daha rahat olacaq.
5. ADY üçün üstünlüyü nədir?
Sərnişin tələbatını daha dəqiq proqnozlaşdırmaq mümkün olacaq.
Zərurət yaranarsa, əlavə vaqonların qoşulması və digər əməliyyat qərarları vaxtında veriləcək.
6. Əlavə reys olacaqmı?
ADY Bakı–Tiflis–Bakı marşrutu üzrə əlavə reysin təşkili istiqamətində işləri davam etdirir.
Bunun üçün Gürcüstan tərəfinin hazırlıqlarını tamamlaması ilə bağlı zəruri texniki və əməliyyat işləri aparılır.