Mətn:
Odlar.media xəbər verir ki, Yaponiyada baş verən güclü zəlzələ nəticəsində azı 13 nəfər həyatını itirib.
Bu barədə APA ölkənin Baş naziri Sanae Takaitiyə istinadən məlumat yayıb.
Baş nazir bildirib ki, zəlzələ nəticəsində çoxsaylı binalar dağılıb, yollar ciddi zədələnib və müxtəlif ərazilərdə yanğınlar baş verib. Hazırda xilasedici qruplar dağıntılar altında qalan insanların axtarışı və xilas edilməsi istiqamətində əməliyyatları fasiləsiz davam etdirirlər.
Rəsmilər zərərçəkənlərin sayının arta biləcəyini istisna etmir. Zəlzələnin vurduğu ziyanın miqyası və hadisənin digər təfərrüatları ilə bağlı araşdırmalar davam edir.