Mətn:
Odlar.media xəbər verir ki, Bakı şəhərinin Binəqədi rayonu ərazisində, Binəqədi–Novxanı–Mehdiabad yolunda yerləşən obyektdə yanğın baş verib.
Fövqəladə Hallar Nazirliyinin (FHN) yaydığı məlumata görə, hadisə ilə əlaqədar dərhal nazirliyin Dövlət Yanğından Mühafizə Xidmətinin qüvvələri əraziyə cəlb olunub.
Hazırda yanğının söndürülməsi istiqamətində əməliyyat davam etdirilir. Hadisənin səbəbi və mümkün ziyanın həcmi ilə bağlı əlavə məlumat verilməyib.