Mətn:
Odlar.media xəbər verir ki, ABŞ-ın İrana qarşı həyata keçirdiyi hərbi əməliyyatlar zamanı yaralanan amerikalı hərbçilərin sayı 500 nəfəri ötüb.
Bu barədə Associated Press (AP) məlumatlı mənbəyə istinadən xəbər yayıb. Bildirilir ki, yaralanan hərbçilərin sayı Pentaqonun açıqladığı rəsmi statistikadan daha yüksəkdir.
Pentaqonun son məlumatına görə, indiyədək 482 hərbçi müxtəlif dərəcəli xəsarətlər alıb. Bundan əvvəl qurumun sözçüsü Şon Parnell son iki həftə ərzində İrana qarşı keçirilən əməliyyatlarda təxminən 100 amerikalı hərbçinin yaralandığını açıqlamışdı.
Məlumata əsasən, hərbi əməliyyatlar nəticəsində həlak olan ABŞ hərbçilərinin ümumi sayı isə 18 nəfərə çatıb.