Mətn:
Odlar.media xəbər verir ki, Xalq artisti Brilliant Dadaşova müğənni Ramal İsrafilovun yaradıcılığı barədə xoş fikirlər səsləndirib.
Sənətçi “Qonaqcanlı” verilişində bildirib ki, Ramal İsrafilovun həm bəstələrini, həm də ifasını yüksək qiymətləndirir.
“Ramalın bəstələri başqadır. Hələ oxumağı… Ramal oxuyandan sonra mən ifa etmək istəmirəm. Ramal olan məclisdə çalışıram tez oxuyum, bitirim. Çünki ondan sonra oxumaq istəmirəm”, – deyə Brilliant Dadaşova qeyd edib.
Verilişin qonağı olan Ramal İsrafilov isə yeni solo konsertə hazırlaşdığını açıqlayıb. O bildirib ki, konsertin təşkilati işlərinə artıq başlanılıb.
Müğənninin sözlərinə görə, solo konsertinin 2027-ci ildə keçirilməsi planlaşdırılır.