Mətn:
Odlar.media xəbər verir ki, İranın cənub-şərqində yerləşən Sistan və Bəlucistan əyalətində məscid imamına silahlı hücum həyata keçirilib.
APA-nın Tehran bürosunun məlumatına əsasən, bu barədə “Fars” agentliyi xəbər yayıb.
Məlumata görə, Mircavə şəhərində yerləşən Əli ibn Əbu Talib məscidinin imamı Məhəmməd Ənvər Riqi bu gün səhər saatlarında naməlum şəxslərin hücumuna məruz qalıb.
Hadisənin başvermə səbəbi və imamın vəziyyəti barədə hələlik rəsmi məlumat açıqlanmayıb. Hücumun təfərrüatları araşdırılır.