Mətn:
Odlar.media xəbər verir ki, Qəzza Səhiyyə Nazirliyi İsrailin hücumları nəticəsində ölən və yaralananlarla bağlı son statistikanı açıqlayıb.
Məlumata görə, son 24 saat ərzində Qəzza zolağında 2 mülki şəxs həyatını itirib, 11 nəfər isə yaralanıb.
Bildirilib ki, 10 oktyabr 2025-ci ildə qüvvəyə minən atəşkəsdən bu günədək ümumilikdə 1100 nəfər həlak olub, 3546 nəfər isə müxtəlif dərəcəli bədən xəsarətləri alıb.
Nazirliyin açıqlamasına əsasən, 2023-cü il oktyabrın 7-dən bəri Qəzza zolağında ölənlərin sayı 73 min 223-ə, yaralananların sayı isə 173 min 654-ə yüksəlib.