Mətn:
Odlar.media xəbər verir ki, Rusiya iyulun 9-da Finlandiyaya iki ölkə arasındakı dəmir yolu sərhəd-keçid məntəqələrinin müvəqqəti bağlanması ilə bağlı rəsmi bildiriş göndərib.
Bu barədə Finlandiyanın Yle teleradio şirkəti məlumat yayıb.
Məlumata əsasən, Finlandiya hakimiyyəti sözügedən qərar barədə hələ iyunun sonunda məlumatlandırılsa da, rəsmi sənəd yalnız indi təqdim edilib.
Qərara əsasən, hərəkət məhdudiyyəti Vartius–Lyuttya, Niirala–Vyartsilya və İmatra–Svetoqorsk dəmir yolu keçid məntəqələrinə, həmçinin Vıborq və Sankt-Peterburq stansiyalarına şamil olunacaq.
Rusiya tərəfi qərarın müvəqqəti xarakter daşıdığını bildirib.