Odlar.media xəbər verir ki, ABŞ Prezidenti Donald Tramp Vaşinqton və Tehran arasında danışıqların davam etdirilməsi ilə bağlı razılıq əldə olunduğunu açıqlayıb. Bununla yanaşı, o, ötən ay tərəflər arasında əldə edilmiş atəşkəsin artıq başa çatdığını bildirib.
Məlumata görə, ABŞ və İran arasında bu həftə müşahidə olunan gərginliyə baxmayaraq, diplomatik təmasların davam etdirilməsi barədə razılıq əldə olunub.
ABŞ administrasiyası eyni zamanda İrandan Hörmüz boğazında gəmilərə qarşı hücumların dayandırılmasını tələb edib və bu məsələ ilə bağlı mövqeyini daha da sərtləşdirib.
Qeyd olunur ki, son qarşıdurmalar fonunda dünya bazarında neftin qiymətinin artması ABŞ-da noyabr ayında keçiriləcək Konqres seçkiləri ərəfəsində Prezident Donald Tramp üçün siyasi baxımdan həssas məsələlərdən biri hesab edilir.
Məlumat Reuters agentliyinə istinadən yayılıb.
