Mətn:
Odlar.media xəbər verir ki, güclü leysan yağışları səbəbindən Tiflis Beynəlxalq Hava Limanında elektrik enerjisinin verilişi dayandırılıb.
Məlumata görə, intensiv yağıntı nəticəsində hava limanı terminalının bir hissəsini su basıb.
Təhlükəsizlik tədbirləri çərçivəsində sərnişinlər terminal binasından təxliyə ediliblər.
Hazırda yaranmış problemin aradan qaldırılması və hava limanının normal fəaliyyətinin bərpası istiqamətində müvafiq işlər aparılır.