Odlar.media xəbər verir ki, Böyük Qayıdış Proqramı çərçivəsində Xocavənd şəhərinə növbəti köç karvanı çatıb.
Bu gün şəhərə 41 ailənin, ümumilikdə 163 nəfərin daimi məskunlaşması təmin edilib. Beləliklə, uzun illər doğma yurd həsrəti yaşayan ailələr Xocavəndə qayıdaraq yeni həyatlarına başlayıblar.
Doğma ocaqlarına dönən sakinləri Qaçqınların və Məcburi Köçkünlərin İşləri üzrə Dövlət Komitəsinin, Azərbaycan Prezidentinin Ağdam, Füzuli və Xocavənd rayonlarında xüsusi nümayəndəliyinin əməkdaşları, həmçinin Ağdam, Füzuli və Xocavənd rayonlarında Bərpa, Tikinti və İdarəetmə Xidmətinin nümayəndələri qarşılayıblar.
