Mətn:
Odlar.media xəbər verir ki, Ukrayna Baş Qərargahı Rusiya-Ukrayna müharibəsinin 1594-cü günü üzrə Rusiya Silahlı Qüvvələrinin itkilərinə dair yenilənmiş məlumat yayıb.
Məlumata əsasən, müharibə başlayandan bəri Rusiya ordusunun şəxsi heyət üzrə itkiləri 1 milyon 411 min 50 nəfərə çatıb.
Bundan əlavə, Rusiya indiyədək 12 088 tank, 24 894 zirehli döyüş maşını, 45 451 artilleriya sistemi, 1 917 reaktiv yaylım atəş sistemi, 1 473 hava hücumundan müdafiə sistemi, 436 hərbi təyyarə, 353 helikopter, 1 833 yerüstü robot-texnika kompleksi, 392 717 pilotsuz uçuş aparatı (PUA), 116 686 avtomobil texnikası, 4 850 qanadlı raket, 33 gəmi və kater, 2 sualtı qayıq, eləcə də 4 389 xüsusi avadanlıq itirib.