Mətn:
Odlar.media xəbər verir ki, 2027-ci ildə Qara Dəniz Ticarət və İnkişaf Bankının (QDTİB) Rəhbərlər Şurasının 29-cu İllik Toplantısına sədrlik Azərbaycandan Bolqarıstana keçəcək.
Bu barədə məlumat QDTİB-nin Bakıda keçirilən Rəhbərlər Şurasının 28-ci İllik Toplantısında açıqlanıb.
Qeyd olunub ki, iyulun 1-də Azərbaycanın sədrliyi ilə keçirilən toplantıda QDTİB-nin 2025-ci il üzrə fəaliyyətinin nəticələri qiymətləndirilib, bankın maliyyə hesabatları təsdiq edilib, həmçinin 2026-cı il üzrə büdcə məsələləri müzakirə olunub.
Məlumata görə, toplantı iyulun 2-də “Bazarların əlaqələndirilməsi və iqtisadiyyatların şaxələndirilməsi: Azərbaycan regional qovşaq rolunda” mövzusunda keçiriləcək Biznes Forumla davam etdiriləcək.