Mətn:
Odlar.media xəbər verir ki, Ureki qəsəbəsində baş verən dəniz faciəsi nəticəsində Marneuli bələdiyyəsinin Ağməmmədli kənd sakini, 21 yaşlı Elnur Nəbiyev boğularaq həyatını itirib.
Məlumata görə, hadisə iyunun 18-də Qara dəniz sahilində baş verib. Güclü dəniz axını Marneuli bələdiyyəsindən olan dörd gənci aparıb.
Hadisə yerinə cəlb olunan xilasedicilər gənclərin hamısını sudan çıxarmağa müvəffəq olsalar da, Elnur Nəbiyevin həyatını xilas etmək mümkün olmayıb.
Faktla bağlı araşdırma aparılır.