Odlar.media xəbər verir ki, Dubai şəhərində yerləşən Emirates Financial Towers göydələnində yanğın hadisəsi qeydə alınıb.
Məlumata görə, yanğın Dubayın Şeyx Zayed prospekti üzərində yerləşən binanın təmir işlərinin aparıldığı mərtəbələrindən birində başlayıb. Hadisə barədə məlumatı “Khaleej Times” nəşri yayıb.
Bildirilir ki, Dubay Mülki Müdafiə Xidmətinin əməkdaşları dərhal əraziyə cəlb olunub və alov qısa müddətdə nəzarət altına alınıb.
İlkin məlumatlara əsasən, hadisə nəticəsində xəsarət alan yoxdur. Yanğının səbəbləri ilə bağlı araşdırma aparılır.
