Mətn:
Odlar.media xəbər verir ki, iyunun 16-da Bakıda və Abşeron yarımadasında hava şəraiti əsasən dəyişkən buludlu olacaq.
Milli Hidrometeorologiya Xidmətinin məlumatına görə, gün ərzində hava əsasən yağmursuz keçsə də, bəzi ərazilərdə qısamüddətli yağışın yağması ehtimal olunur. Şimal-qərb küləyinin gündüz cənub-şərq küləyi ilə əvəz olunacağı bildirilir.
Havanın temperaturu gecə 17–20°, gündüz isə 27–31° isti olacaq.
Milli Hidrometeorologiya Xidmətinin məlumatına əsasən, Azərbaycanın rayonlarında isə bəzi yerlərdə arabir yağış, şimşək və dolu ehtimalı var, axşam saatlarında yağıntıların tədricən kəsiləcəyi gözlənilir. Dağlıq ərazilərdə gecə 7–12°, gündüz isə 16–26° isti olacaq.