Odlar.media xəbər verir ki, Azərbaycan Respublikasının Xarici İşlər Nazirliyi 15 İyun – Milli Qurtuluş Günü ilə bağlı paylaşım yayıb.
Nazirliyin “X” (Twitter) hesabında yer alan açıqlamada bildirilib ki, Azərbaycanın müstəqillik tarixində dönüş nöqtəsi hesab olunur və dövlətçiliyin möhkəmlənməsində mühüm rol oynayıb.
Paylaşımda qeyd olunub ki, Ulu Öndər xalqın tələbi ilə hakimiyyətə qayıdaraq ölkənin dövlət müstəqilliyinin möhkəmləndirilməsi və davamlı inkişafı üçün əsas təməl yaradıb.
Açıqlamada həmçinin vurğulanıb ki, bu gün Azərbaycan sabitlik, inkişaf və dövlətçilik yolunda irəliləyən bir ölkə kimi formalaşıb. XİN xalqı Milli Qurtuluş Günü münasibətilə təbrik edərək sülh, firavanlıq və tərəqqi arzulayıb.
