Odlar.media xəbər verir ki, Oğuz rayonunda yol-nəqliyyat hadisəsi baş verib.
Hadisə səhər saat 06:00 radələrində Qaraməryəm–İsmayıllı–Şəki avtomobil yolunun Oğuz rayonu ərazisindən keçən hissəsində qeydə alınıb.
Məlumata görə, hərəkətdə olan minik avtomobili sürücünün idarəetməsindən çıxaraq yol kənarındakı ağaca çırpılıb.
Qəza nəticəsində müxtəlif dərəcəli bədən xəsarətləri alan 4 nəfər Oğuz rayon sakini Oğuz Rayon Mərkəzi Xəstəxanasının Təcili Tibbi Yardım şöbəsinə çatdırılıb.
Hazırda yaralılara ilkin tibbi yardım göstərilir. Onların şəxsiyyətlərinin dəqiqləşdirilməsi istiqamətində iş aparılır.
Faktla bağlı aidiyyəti qurumlar tərəfindən araşdırma aparılır.
