Mətn:
Odlar.media xəbər verir ki, dünya bazarlarında Azərbaycan neftinin “Azeri Light” (CIF) markası ucuzlaşıb.
Məlumata görə, Azərbaycan neftinin 1 barelinin qiyməti 6,35 ABŞ dolları və ya 6,6% azalaraq 90,5 dollar təşkil edib. Əvvəlki göstərici 96,85 dollar olub.
Qeyd edilir ki, qiymətin dəyişməsi qlobal enerji bazarlarında baş verən dalğalanmalarla bağlıdır.
Xatırladaq ki, Azərbaycanın dövlət büdcəsində “Azeri Light” neftinin orta qiyməti 65 dollar/barel səviyyəsində nəzərdə tutulub.