Mətn:
Odlar.media xəbər verir ki, Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin (AYNA) tabeliyində fəaliyyət göstərən “Nəqliyyat Təlim Mərkəzi” MMC-yə yeni direktor təyin edilib.
Modern.az-ın məlumatına görə, bu vəzifəyə Orxan Həsənov gətirilib.
Yeni təyinatla əlaqədar Orxan Həsənov müəssisənin direktoru vəzifəsində Əyyub Kərimlini əvəz edib.
Qeyd edək ki, “Nəqliyyat Təlim Mərkəzi” MMC 2004-cü ildə “Albalılıq Avtoparkı” adı ilə yaradılıb. Müəssisənin adı 2025-ci ildə dəyişdirilərək hazırkı adla əvəz olunub.
Şirkətin nizamnamə kapitalı 17,2 min manat təşkil edir.