İyunun 4-nə olan hava proqnozu açıqlandı – rayonlarda yağış, Bakıda isə mülayim hava gözlənilir
Odlar.media xəbər verir ki, Milli Hidrometeorologiya Xidməti iyunun 4-nə olan hava proqnozunu açıqlayıb.
Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-qərb küləyi səhər saatlarında cənub-şərq küləyi ilə əvəz olunacaq. Havanın temperaturu gecə 12–16°, gündüz isə 22–27° isti təşkil edəcək. Atmosfer təzyiqi 762 mm civə sütunu, nisbi rütubət isə gecə 65–75%, gündüz 50–55% olacaq.
Azərbaycanın rayonlarında isə əsasən yağmursuz hava proqnozlaşdırılır. Lakin gündüz saatlarında bəzi dağlıq və dağətəyi ərazilərdə arabir yağıntıların olması, bəzi yerlərdə isə qısamüddətli intensiv leysan, şimşək və dolu ehtimalı var. Gecə və səhər saatlarında bəzi bölgələrdə duman müşahidə oluna bilər. Şərq küləyinin ayrı-ayrı yerlərdə arabir güclənəcəyi bildirilir.
Rayonlarda havanın temperaturu gecə 14–18°, gündüz 26–31° isti olacaq. Dağlıq ərazilərdə isə gecə 7–12°, gündüz 15–20°, bəzi yerlərdə isə 24–26° isti müşahidə ediləcək.
