Mətn:
Odlar.media xəbər verir ki, Xırdalan şəhərini metronun “Memar Əcəmi” stansiyası ilə əlaqələndirən 119 nömrəli müntəzəm marşrut xəttində avtobuslar dəyişdirilir.
Bu barədə Azərbaycan Yerüstü Nəqliyyat Agentliyi məlumat yayıb.
Bildirilib ki, iyunun 1-dən etibarən marşrut xəttində yeni avtobuslar sərnişinlərin xidmətinə veriləcək. Ümumilikdə 20 avtobusun 5-6 dəqiqə hərəkət intervalı ilə fəaliyyət göstərəcəyi qeyd olunub.
Məlumata görə, avtobuslarda ödəniş sistemi nağdsız qaydada həyata keçiriləcək. Gedişhaqqı isə 0,60 AZN təşkil edir.