Mətn:
İsrailin Livanın cənubundakı Sidon bölgəsinin Adlun şəhərinə endirdiyi hava zərbələri nəticəsində bir ailənin 9 üzvü, o cümlədən 6 uşaq həyatını itirib.
Odlar.media xəbər verir ki, bu barədə NNA xəbər agentliyi məlumat yayıb.
Bildirilib ki, İsrailə məxsus təyyarələr Adlun şəhərində mülki əhalinin yaşadığı evi hədəfə alıb. Hücum nəticəsində bina uçub və dağıntılar altında qalan suriyalı qaçqın ailəsinin üzvləri həlak olub.
Livanın Səhiyyə Nazirliyinin açıqlamasına görə, bu il martın 2-dən etibarən İsrailin hücumları nəticəsində ölkədə ümumilikdə 3371 nəfər ölüb.