Azərbaycan.media xəbər verir ki, ABŞ-ın San-Dieqo şəhərində yerləşən İslam Mərkəzində atışma hadisəsi baş verib.
Məlumata görə, insident nəticəsində azı iki nəfər həyatını itirib. Hadisədən sonra məscid nəzdində fəaliyyət göstərən məktəbdən uşaqların təxliyəsinə başlanılıb.
Əraziyə çoxsaylı hüquq-mühafizə qüvvələri cəlb olunub. Bildirilir ki, hadisə yerində yüzə yaxın polis əməkdaşı xidmət aparır, həmçinin təhlükəsizlik məqsədilə snayperlər yerləşdirilib.
Hazırda ərazidə təhlükəsizlik tədbirləri gücləndirilib, hadisənin səbəbləri araşdırılır.
“The Sun” nəşri hadisə ilə bağlı əlavə məlumatların yaxın saatlarda açıqlanacağını bildirib.
