Mətn:
Azərbaycan.media xəbər verir ki, Azərbaycan Respublikasının fövqəladə hallar nazirinə iki yeni müavin təyin olunub.
Müvafiq qərara əsasən, Cəbrayıl Eldar oğlu Xanlarov və daxili xidmət general-mayoru Yusif Mahmud oğlu Nəbiyev fövqəladə hallar nazirinin müavinləri vəzifəsinə gətiriliblər.
Qeyd edək ki, Cəbrayıl Eldar oğlu Xanlarov 3 noyabr 1972-ci ildə Bakı şəhərində anadan olub. O, Azərbaycan Dövlət İqtisad Universitetini bitirib və iqtisad elmləri namizədi elmi dərəcəsinə malikdir.
Yusif Mahmud oğlu Nəbiyev isə 18 sentyabr 1982-ci ildə Bakı şəhərində anadan olub. Bakı Dövlət Universitetinin məzunu olan Yusif Nəbiyev hüquq üzrə fəlsəfə doktorudur.