Mətn:
Azərbaycan.media xəbər verir ki, Bakıda müşahidə olunan yağışlı hava şəraiti ilə əlaqədar olaraq Zığ dairəsi–Hava Limanı yolunda bəzi zolaqlar üzrə sürət həddi 20 km/saat-a endirilib.
Məlumata görə, bu barədə Nəqliyyatı İntellektual İdarəetmə Mərkəzi açıqlama yayıb. Qeyd olunub ki, mərkəzin əməkdaşları tərəfindən məlumat-sürət tablolarında müvafiq dəyişikliklər edilib.
Bununla yanaşı, bütün tablolarda “sürüşkən yol” işarəsi yerləşdirilib.
Sürücülərə müəyyən olunan sürət həddinə əməl etmələri tövsiyə olunur.