Azərbaycan.media xəbər verir ki, Axar.az-ın Azərtac-a istinadən yaydığı məlumata görə, Yaşar Gülər Il Messaggero nəşrinə müsahibəsində Türkiyənin Yaxın Şərqdə sabitliyin bərpasına töhfə verməyə hazır olduğunu bildirib.
Nazir İran ətrafındakı gərginliyə münasibət bildirərək atəşkəsin dərhal təmin edilməsinin vacibliyini vurğulayıb. Onun sözlərinə görə, bölgədəki gərginliyin daha böyük qarşıdurmaya çevrilməsinin qarşısını almağın yeganə yolu dialoqdur:
“Bölgəmizdəki gərginliyin daha böyük qarşıdurmaya çevrilməsinin qarşısını almağın yeganə yolu dialoqdur. Mövcud şəraitdən asılı olmayaraq, biz inanırıq ki, hələ də diplomatiya üçün yer var və tərəflər arasındakı fikir ayrılıqları dialoq yolu ilə həll edilə bilər. Biz bu prosesə töhfə verməyə hazırıq”.
Y. Gülər qeyd edib ki, heç bir regional böhran uzunmüddətli əsasda hərbi yolla həll edilə bilməz.
Nazir həmçinin vurğulayıb ki, Ankara Türkiyənin hava məkanına yönələn istənilən raket təhdidinə cavab verməyə tam hazırdır:
“Həm öz vasitələrimizlə, həm də NATO çərçivəsində istənilən təhdidə cavab vermək qətiyyətindəyik”.