Mətn:
Azərbaycan.media xəbər verir ki, yanvarın 17-də Bakının Suraxanı rayonu, Hövsan qəsəbəsində dəm qazından ölüm faktı baş verib.
Belə ki, saat 11 radələrində qəsəbə sakini, 1959-cu il təvəllüdlü Tahir Müseyib oğlu Ağayev yaşadığı evin hamam otağında dəm qazından zəhərlənərək ölüb.
Digər analoji hadisə həmin gün Gədəbəy rayonunda qeydə alınıb. Saat 22 radələrində rayonun Zəhmət kənd sakini, 1972-ci il təvəllüdlü Rəxşəndə Xanlar qızı Rzayeva yaşadığı evin hamam otağında dəm qazından zəhərlənərək həyatını itirib.
Hər iki faktla bağlı müvafiq qurumlar tərəfindən araşdırma aparılır.