Azərbaycan.media xəbər verir ki, Bakı Musiqi Akademiyasının Opera Studiyasının Konsert Salonunda Azərbaycan Dövlət Akademik Opera və Balet Teatrının təqdimatında Üzeyir Hacıbəylinin ölməz əsəri “Arşın mal alan” operettasının növbəti tamaşası keçirilib.
Tamaşada əsas rolları Fəhmin Əhmədli (Əsgər), Əməkdar artistlər Cahangir Qurbanov (Soltan bəy), Tural Ağasıyev (Süleyman), Xalq artistləri Gülyaz Məmmədova (Telli), Gülüstan Əliyeva (Cahan xala), Günel Hacıyeva (Gülçöhrə), Aysel İbrahimova (Asya) və Sadiq Məlikov (Vəli) ifa ediblər.
Tamaşanın dirijoru Əməkdar incəsənət xadimi Sevil Hacıyeva, quruluşçu rejissoru Əməkdar incəsənət xadimi Hafiz Quliyev, baletmeysteri isə Xalq artisti Mədinə Əliyevdir.