Mətn:
Azərbaycan.media xəbər verir ki, Ukrayna Prezidenti Volodimir Zelenski dekabrın 28-də Floridada amerikalı həmkarı Donald Trampla görüşdən əvvəl Kanadanın Baş naziri Mark Karni ilə görüş keçirəcək.
Bu barədə Ukrayna KİV-i xəbər yayıb.
Zelenski jurnalistlərə açıqlamasında bildirib:
“Bəli, biz indi ABŞ-a gedən təyyarədəyik. Bu yolda Kanadada dayanacağıq, mənim Baş nazir Mark Karni ilə görüşüm olacaq.”
Ukrayna Prezidenti əlavə edib ki, M.Karni ilə görüş zamanı Avropa ölkələrinin liderləri ilə onlayn söhbət də planlaşdırılır:
“Biz bütün məsələləri müzakirə edəcəyik və Donald Trampla fikir mübadiləsi aparacağım sənədlərin detallarını bölüşəcəyik.”