Mətn:
Odlar.media xəbər verir ki, Çeçenistan rəhbəri Ramzan Kadırov Rusiyanın “fəxri dəmiryolçusu” adına layiq görülüb.
Rusiya mətbuatının məlumatına görə, “Rusiya Dəmir Yolları”nın baş direktoru Oleq Belozyorov bununla bağlı əmr imzalayıb. Kadırov dəmir yolu nəqliyyatının inkişafına verdiyi töhfəyə görə təltif olunub.
Qeyd edək ki, oktyabrın 5-də 50 yaşını qeyd edən Kadırov bu ay ərzində artıq altıncı dəfə müxtəlif mükafat və fəxri adlarla təltif edilib. O, daha əvvəl “Ordu generalı” rütbəsi alıb, həmçinin dini və digər fəxri mükafatlara layiq görülüb.
Bundan əvvəl Çeçenistan rəhbərinə Rusiyanın “fəxri memarı” adı da verilmişdi.
Odlar.media