Mətn:
Odlar.media xəbər verir ki, oktyabrın 10-da Bakıda və Abşeron yarımadasında fasilələrlə yağış yağacağı, gecə bəzi yerlərdə yağıntıların intensivləşəcəyi gözlənilir.
Milli Hidrometeorologiya Xidmətinin məlumatına görə, şimşək çaxacağı ehtimalı var. Axşama doğru yağış tədricən kəsiləcək. Havanın temperaturu gecə 14-17°, gündüz 19-21° isti olacaq.
Bölgələrdə də arabir yağış, bəzi yerlərdə leysan, şimşək və dolu gözlənilir. Yüksək dağlıq ərazilərdə qar yağacağı ehtimalı var. Gecə və səhər bəzi ərazilərdə duman müşahidə ediləcək.
Rayonlarda havanın temperaturu gecə 11-16°, gündüz 20-25° isti, dağlıq ərazilərdə isə gecə 2-6°, gündüz 7-12° isti olacaq.
Odlar.media