Odlar.media xəbər verir ki, elektrik enerjisinin verilişində keyfiyyət göstəricilərinin yüksəldilməsi və artan yük tələbatının qarşılanması məqsədilə avqustun 26-da ölkənin bir sıra rayonlarında 10 və 35 kV-luq hava elektrik verilişi xətlərində təmir və xətlərə toxunan ağacların budanması işləri aparılacaq.
Bu barədə “Azərişıq” ASC-dən məlumat verilib.
Təmir və texniki işlərlə əlaqədar aşağıdakı ərazilərdə elektrik enerjisinin verilişində müvəqqəti məhdudiyyətlər tətbiq olunacaq:
Lerik: saat 10:30-dan 13:00-dək Babagil, Bibiyani, Brkandul, Günəşli, Hamarmeşə, Noda, Soru, Vistən və Vizəzəmin kəndlərinin bir hissəsi;
Masallı: saat 10:00-dan 13:00-dək Göyəçöl, Xıl, Qasımlı, Lürən, Musaküçə, Öncəqala, Sərçuvar, Şıxlar və Təzəkənd kəndlərinin bəzi əraziləri. Saat 14:00-dan 17:00-dək isə Dəlləkli, Əminli, Hacıtəpə, Həsənli, Köcəkli, Kürdəbazlı, Qarğalıq, Qədirli, Məmmədxanlı, Şəhriyar və Təkdam kəndlərində fasilə olacaq;
Quba: saat 10:00-dan 14:00-dək Amsar kəndi, şəhərin 30, 32 və 33-cü məhəllələri, Dəvədabanı yaşayış massivi, Səmədağa Ağamalıoğlu, Mirzəbaba Tahirov, Məhəmməd Əmin Rəsulzadə, Məşədi Əzizbəyov küçələri, 12-ci kvartal və Meydan əraziləri;
Göyçay: saat 12:00-dan 14:00-dək şəhərin Məhəmməd Əmin Rəsulzadə, Rəsul Rza, Atatürk və Məhəmməd Füzuli küçələrinin bəzi hissələri;
Ağdaş: saat 10:00-dan 14:00-dək Binələr, Davudlu, Malay və Pirəyir kəndləri;
Tərtər: saat 10:00-dan 14:00-dək Borsunlu kəndi;
Ucar: saat 11:00-dan 14:00-dək Bağban, Boyat, Qəzyan və Yuxarı Şilyan kəndləri;
Goranboy: saat 09:30-dan 15:30-dək Kürəkçay qəsəbəsi, Həmənli, Qarapirimli və Qırıqlı kəndləri;
Bərdə: saat 10:00-dan 14:00-dək Məmmədli və Nazırlı kəndləri.
“Azərişıq”dan bildirilib ki, görülən işlər başa çatdıqdan sonra qeyd olunan ərazilərdə abonentlərin daha keyfiyyətli və dayanıqlı elektrik enerjisi ilə təmin olunması nəzərdə tutulur.
