Mətn:
Odlar.media xəbər verir ki, Astara şəhəri ərazisində Xəzər dənizində bir nəfər batıb.
Hadisə şəhərin “Bulvar” ərazisində, nəzarətsiz sahədə baş verib. İlkin məlumata görə, Masallı rayonunun Kosagül kənd sakini, 1990-cı il təvəllüdlü Elmar Bəybala oğlu Məmmədli yaxın qohumları ilə dənizdə çimərkən batıb.
Fövqəladə Hallar Nazirliyinin (FHN) məlumatına görə, hadisə ən yaxın sularda xilasetmə məntəqəsindən təxminən 1 kilometr aralıda baş verib.
FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub. Hazırda Elmar Məmmədlinin batdığı ehtimal edilən istiqamətlərdə axtarış işləri aparılır.
Məlumata görə, Elmar Məmmədli 5 uşaq atası olub.
Hadisə ilə bağlı əlavə məlumat veriləcək.