Odlar.media xəbər verir ki, Ermənistanda minik avtomobilində baş verən yanğından sonra üç nəfərin meyiti aşkarlanıb.
Ermənistan KİV-in yaydığı məlumata görə, hadisə ötən gecə İrəvan-Yerasx avtomobil yolunun Surenavan kəndinin inzibati ərazisində qeydə alınıb.
Bildirilir ki, yanğınsöndürənlər hadisə yerinə cəlb olunaraq alov içində olan “Nissan Rogue” markalı avtomobilə müdaxilə ediblər. Yanğın söndürüldükdən sonra avtomobilin salonunda üç nəfərin yarıyanmış meyiti aşkar edilib.
Hazırda həyatını itirən şəxslərin kimliyi müəyyənləşdirilir. Eyni zamanda, yanğının başvermə səbəblərinin araşdırılması istiqamətində müvafiq qurumlar tərəfindən istintaq tədbirləri davam etdirilir.
