Mətn:
Azərbaycan.media xəbər verir ki, Naxçıvan Beynəlxalq Aeroportunun yaxınlığında müşahidə olunan əlverişsiz hava şəraiti səbəbindən AZAL-ın həmin istiqamətdə həyata keçirdiyi bəzi uçuşlar təxirə salınıb.
Bu barədə azal.az məlumat yayıb.
Bildirilib ki, sərnişinlərin təhlükəsizliyi aviaşirkət üçün əsas prioritet olaraq qalır və mövcud vəziyyətlə əlaqədar bütün zəruri tədbirlər görülür.
Qeyd olunub ki, hava şəraiti normallaşdıqdan sonra reyslərin icrası əvvəlki qaydada davam etdiriləcək.