Xəbərlər Ömrünün sonunu hiss edirdi” – Tahir İmanov qardaşı ilə bağlı təsirli xatirələrini bölüşdü 05 May 2026 • 12:18 • Odlar MEDİA • 👁 5 baxış Mətn: A− A A+ Paylaş: WhatsApp Telegram Facebook X LinkedIn E-poçt Bağlantını kopyala Başlığı kopyala Çap et Azərbaycan.media xəbər verir ki, Əməkdar artist Tahir İmanov mərhum qardaşı, Əməkdar artist Cabir İmanov haqqında emosional açıqlamalar verib. O, “Söhbət var” proqramında çıxışı zamanı bildirib ki, qardaşı olduqca həssas və daxilinə qapanıq insan olub. Tahir İmanovun sözlərinə görə, Cabir İmanov yaşadığı ağrıları ailə üzvləri ilə bölüşməsə də, yalnız onunla danışırmış. Aktyor qeyd edib ki, qardaşı ölümünü əvvəlcədən hiss edirmiş. Onun sözlərinə görə, vəfatından bir həftə əvvəl Cabir İmanov Şuşaya səfər etmək istədiyini bildirib və çəkilişlərin daha tez həyata keçirilməsini xahiş edib. Bu istəyi ilə bağlı o, “sonra çatdırmaram” deyə narahatlığını ifadə edib. Tahir İmanov həmin səfərlə bağlı xatirələrini bölüşərək qeyd edib ki, qardaşı ilə birlikdə uşaqlıq illərinin keçdiyi yerləri gəziblər. Onlar Şuşada doğulduqları məhəllələri qarış-qarış dolaşıb, keçmiş xatirələri yenidən yaşayıblar. Onun sözlərinə görə, Cabir İmanovun bu davranışı sanki daxilən nəyisə hiss etdiyini göstərirdi. Bundan əlavə, Tahir İmanov bildirib ki, qardaşı yaradıcılığına qoyulan məhdudiyyətlərlə bağlı da narahatlıq keçirirmiş. 2019-cu ildə ölkə rəhbərliyi ilə görüşdən sonra bu qadağaların aradan qaldırılması Cabir İmanovu çox sevindirib və o, bu xəbəri böyük coşqu ilə qarşılayıb. Qeyd edək ki, Cabir İmanov ötən ilin sentyabr ayında qəfil ürəktutması nəticəsində vəfat edib. REKLAMPR məqalənizi Odlar MEDİA-da yerləşdirinƏTRAFLI BAX →
