Mətn:
Azərbaycan.media xəbər verir ki, Türkiyənin Adana şəhərində aramsız yağan leysan yağışlar güclü selə səbəb olub.
Axar.az-ın Haber Global-a istinadən verdiyi məlumata görə, sel suları magistral yolda nəqliyyatın hərəkətini tamamilə iflic edib.
Bildirilir ki, selə düşərək sürüklənən avtomobillərdən birində olan sürücü və sərnişin çətin vəziyyətdə qalıb. Onlar avtomobildən çıxa bilsələr də, güclü axına qapılıblar. Sürücü xilas edilsə də, sərnişin boğularaq həyatını itirib.
Hazırda ərazidə təhlükəsizlik tədbirləri gücləndirilib, vəziyyətin nəzarətə götürülməsi istiqamətində işlər davam etdirilir.