Mətn:
Azərbaycan.media xəbər verir ki, dünya bazarlarında “Azeri Light” (CIF) markalı Azeri Light neftinin qiyməti artıb.
Məlumata görə, Azərbaycan neftinin bir barelinin qiyməti 0,38 ABŞ dolları və ya 0,34% yüksələrək 110,89 ABŞ dollarına çatıb. Qeyd edək ki, əvvəlki ticarət sessiyasında bu göstərici 110,51 ABŞ dolları olub.
Xatırladaq ki, “Azeri Light” neftinin ən aşağı qiyməti 2020-ci il aprelin 21-də 15,81 ABŞ dolları, ən yüksək qiyməti isə 2008-ci ilin iyul ayında 149,66 ABŞ dolları səviyyəsində qeydə alınıb.
Bildirək ki, Azərbaycanın builki dövlət büdcəsində “Azeri Light” neftinin bir barelinin orta qiyməti 65 ABŞ dolları səviyyəsində götürülüb.