Mətn:
Azərbaycan.media xəbər verir ki, İran ətrafında tətbiq edilən dəniz blokadasını yarmağa cəhd göstərən 10 gəmi geri yönləndirilib.
Publika.az-ın yaydığı məlumata görə, bu barədə ABŞ Silahlı Qüvvələrinin Mərkəzi Komandanlığı – United States Central Command (CENTCOM) açıqlama verib.
Bildirilib ki, indiyədək blokadanı keçməyə çalışan heç bir gəmi buna nail ola bilməyib. Açıqlamada qeyd olunub ki, tətbiq edilən məhdudiyyətlər effektiv şəkildə icra olunur.
Məlumata əsasən, ABŞ aprelin 13-dən etibarən İrana qarşı dəniz blokadası tətbiq edir. Bu addım regionda təhlükəsizlik və geosiyasi gərginliyin artması fonunda atılıb.