Mətn:
Azərbaycan.media xəbər verir ki, Ağdərə rayonu ərazisində yerləşən təlim mərkəzində 13–17 aprel tarixlərində istismar müddəti başa çatan və istifadəyə yararsız döyüş sursatları təhlükəsizlik qaydalarına tam riayət olunmaqla məhv ediləcək.
Bu barədə Müdafiə Nazirliyi məlumat yayıb.
Məlumatda qeyd olunub ki, planlaşdırılan tədbirlə əlaqədar eşidiləcək partlayış səsləri narahatlıq doğurmamalıdır. Nazirlik əhalini təşvişə düşməməyə çağıraraq bildirib ki, narahatlığa heç bir əsas yoxdur.