Mətn:
Azərbaycan.media xəbər verir ki, Ukraynanın xarici işlər naziri Andrey Sibiqa Azərbaycanın xarici işlər naziri Ceyhun Bayramov ilə telefon danışığı aparıb.
Məlumata görə, ukraynalı nazir bu barədə sosial şəbəkə hesabında paylaşım edib. Bildirilib ki, tərəflər ikitərəfli münasibətlərin hazırkı vəziyyətini və gələcək inkişaf perspektivlərini müzakirə ediblər.
Nazirlər, həmçinin ölkələr arasında əməkdaşlığın daha da dərinləşdirilməsinə sadiq olduqlarını bir daha təsdiqləyiblər.
Telefon danışığı zamanı təhlükəsizlik məsələləri, konektivlik, nəqliyyat marşrutları və dəhlizlərinin inkişafı da daxil olmaqla beynəlxalq gündəmdə olan geniş məsələlər ətrafında fikir mübadiləsi aparılıb.