Mətn:
Azərbaycan.media xəbər verir ki, Azərbaycan Respublikasının Prezidenti İlham Əliyev aprelin 6-da rəsmi dövlət səfəri ilə Gürcüstana gəlib.
Məlumata görə, Tbilisi şəhərinin Şota Rustaveli Beynəlxalq Hava Limanında dövlət başçısının şərəfinə fəxri qarovul dəstəsi düzülüb. Prezident İlham Əliyev və birinci xanım Mehriban Əliyeva Gürcüstanın xarici işlər naziri Maka Boçorişvili və digər rəsmi şəxslər tərəfindən qarşılanıblar.
Səfər zamanı iki ölkə arasında əməkdaşlığın müxtəlif sahələrdə inkişaf etdirilməsi və regional məsələlərin müzakirəsi gözlənilir.