Mətn:
Azərbaycan.media xəbər verir ki, Mixeil Kavelaşvili və Denisa Sakova arasında keçirilən görüşdə əməkdaşlığın genişləndirilməsi və regiondakı mövcud vəziyyət əsas müzakirə mövzusu olub.
Gürcüstan Prezidentinin Administrasiyasına istinadən yerli KİV-in yaydığı məlumata görə, tərəflər xüsusilə sahəvi əməkdaşlıq və ticarət-iqtisadi əlaqələrin inkişaf potensialına diqqət yetiriblər. Görüş zamanı həmçinin qlobal siyasi proseslər və dövlətlərin üzləşdiyi əsas çağırışlar ətrafında fikir mübadiləsi aparılıb.
Müzakirələrdə Orta Dəhlizin əhəmiyyəti və bu layihədə Gürcüstanın strateji rolu xüsusi vurğulanıb. Bununla yanaşı, Avropa İttifaqı ilə Gürcüstan arasında münasibətlərin mövcud vəziyyəti və perspektivləri də diqqət mərkəzində olub.